Cronfa Dioddefwyr Comisynydd yr Heddlu a Throseddu De Cymru

Cymundeau | Mid Glamorgan, South Glamorgan, West Glamorgan

Bydd Cronfa Dioddefwyr Comisiynydd yr Heddlu a Throseddu De Cymru yn ystyried ceisiadau oddi wrth fudiadau gwirfoddol a chyrff trydydd sector am gyllid tuag at wasanaethau arbenigol i ddioddefwyr.

Gall y Gronfa gefnogi prosiectau newydd neu brosiectau sydd eisoes yn bodoli a gwasanaethau arbenigol sy’n gweithio ag unigolion yr effeithiwyd yn uniongyrchol neu’n anuniongyrchol arnynt gan drosedd.  Mae’r Gronfa’n croesawu syniadau arloesol o brosiectau fyddai’n cydategu gwasanaethau cymorth presennol i ddioddefwyr.

PWY ALL YMGEISIO

- Sefydliadau o’r drydydd sector sy'n darparu gwasanaethau yn Ardal Heddlu De Cymru.

Mae ardal Heddlu De Cymru yn cwmpasu cymunedau Caerdydd, Abertawe, Castell Nedd Port Talbot, Pen-y-bont ar Ogwr, Bro Morgannwg, Rhondda Cynon Taf a Merthyr Tudful.

Ni ddyfarnir grantiau i:

• Prosiectau wedi'u hanelu at godi ymwybyddiaeth a/neu atal troseddau.
• Gwasanaethau statudol (ac eithrio ar gyfer prosiectau a ddaw y tu allan i gyllid statudol)
• Caiff grwpiau a chanddynt drosiant sy’n llai na £250,000 flaenoriaeth.  Ni waherddir sefydliadau mwy o faint sydd â throsiant o hyd at £1 filiwn rhag ymgeisio am gyllid, ond rhoddir blaenoriaeth i fudiadau llai a leolir yn lleol
• Cyrff â chronfeydd wrth gefn sylweddol nas dynodwyd ar gyfer diben penodol
• Cyrff nad ydynt yn gweithredu yn yr ardal a gaiff fudd
• Grwpiau nad oes ganddynt gyfansoddiad priodol.
• Am gostau achoswyd cyn derbyn y llythyr yn cynnig grant a thelerau ac amodau a lofnodwyd

GRANTIAU SYDD AR GAEL

- Grantiau o rhwng £5,000 ac £30,000

Nodwch, os gwelwch dda:

Yn unol â Chod Ymarfer Dioddefwyr, dylai’r holl wasanaethau a phrosiectau a gyflawnir sy’n defnyddio’r cyllid hwn fod yn:

- Di-dâl

- Cyfrinachol

- Heb fod yn camwahaniaethu (yn cynnwys bod ar gael i bawb, ni waeth beth fo’u statws preswylio, cenedligrwydd na dinasyddiaeth)

- Ar gael p’un ai bod yr heddlu wedi’u hysbysu am drosedd ai peidio

- Ar gael cyn, yn ystod ac am amser priodol ar ôl unrhyw ymchwiliad neu achos troseddol.

Mae'r cronfa AR GAU ar hyn o bryd