Sefydlwyd y Sefydliad Wesleyan yn 2017 i barhau i gefnogi amrywiol achosion da drwy’r DU i gyd, ac yn benodol CAERDYDD yng Nghymru.
AMCANION
Mae’r Sefydliad Wesleyan yn darparu cymorth yn y meysydd a ganlyn:
• Iechyd – Prosiectau sy’n gweithio i wella iechyd a lles y gymuned leol;
• Addysg - Prosiectau sy’n gweithio i hyrwyddo addysg a dysgu gydol oes;
• Cymdeithasol – Prosiectau sy’n creu datrysiadau arloesol i heriau cymdeithasol, gan hyrwyddo cydlyniant cymunedol a datblygu cadernid mewn cymunedau.
PWY A ALL YMGEISIO
• Elusennau, grwpiau dielw â chyfansoddiad a mudiadau sy’n cynnal prosiectau a gweithgareddau o fewn ac o gwmpas Sir Gaerfyrddin er budd y gymuned leol (e.e., clybiau ar ôl ysgol, clybiau cinio, caffis cof, gwasanaethau cyfeillio ac ati).
GRANTIAU SYDD AR GAEL
Mae dau fath o grantiau o wahanol faint ar gael i sefydliadau sy’n gweithio yn Ninas a Sir CAERDYDD:
Grantiau Bychain:
• Gall grwpiau cymunedol lleol â chyfansoddiad ac elusennau cofrestredig ag incwm sy’n llai na £250,ooo ymgeisio am grantiau o hyd at £2,000.
Grantiau Mawrion:
• Gall grwpiau cymunedol â chyfansoddiad ac elusennau cofrestredig ag incwm sy’n llai na £500,000 ymgeisio am grantiau o rhwng £2,000 a £10,000;
• Ni ddylai ceisiadau grant fod yn fwy nag 20% o incwm blynyddol y sefydliad (yn y flwyddyn ariannol ddiwethaf);
• Dylai unrhyw gais am gyflog, cyfarpar a chostau gwirfoddolwyr gael ei gyllidebu’n eglur ac fe ddylid ond ei ddefnyddio ar gyfer y prosiect yr ymgeisir amdano;
• Dylai ymgeiswyr allu darparu 2 flynedd o gyfrifon.
Nodwch, os gwelwch yn dda:
• Ni ddyfernir grantiau’n ôl-weithredol, h.y., ar gyfer costau a achoswyd cyn cael y llythyr yn cynnig grant a’r telerau ac amodau a lofnodwyd;
• Bydd ymgeiswyr yn clywed canlyniad eu cais o fewn 16 wythnos wedi’r dyddiad cau;
• Dylid cynnwys e-bost a ddefnyddir yn rheolaidd, gan mai proses cyfan gwbl ar-lein yw hon, a bydd gohebiaeth drwy e-bost;
• Mae’n rhaid i ymgeiswyr ddarparu dogfennau priodol i ategu’u cais;
• Bydd hi’n ofynnol i ymgeiswyr ddarparu diweddariad cryno ar ôl 6 mis o ddechrau’r prosiect, a llenwi ffurflen fonitro ar ddiwedd y prosiect.
NID YW GRANTIAU AR GAEL AR GYFER:
• Unigolion neu unig fasnachwyr;
• Adeiladu cyfalaf;
• Hyrwyddo gweithgareddau crefyddol neu wleidyddol;
• Ysgolion, eglwysi, cynghorau plwyf neu Gymdeithasau Rhieni ac Athrawon, oni bai y dangosir fod yna fudd cymunedol ehangach;
• Lles anifeiliaid, oni bai bod y prosiect o fudd i bobl (e.e., cynlluniau marchogaeth i bobl anabl);
• Grwpiau â mwy na 12 mis o gostau cynnal wrth gefn;
• Disodli rhwymedigaeth statudol yn uniongyrchol, e.e., o fewn addysg, y GIG neu lywodraeth.
Mae hon yn rhaglen NEWYDD o roi grantiau, ac fe all y meini prawf newid yn y dyfodol.
SUT I YMGEISIO
Grantiau Bach
Cliciwch Yma i gychwyn cais ar-lein yn Gymraeg
Cliciwch Yma i gychwyn cais ar-lein yn Saesneg
Grantiau Mawr
Cliciwch Yma i gychwyn cais ar-lein yn Gymraeg
Cliciwch Yma i gychwyn cais ar-lein yn Saesneg
Fe allwch gysylltu â’r Sefydliad ar 02920 379 580 neu drwy anfon e-bost at [email protected] am fwy o wybodaeth.
Dylid cyflwyno ceisiadau erbyn hanner dydd, ddydd Gwener, yr 14eg o Orffennaf, 2017.
