Mae Fourteen yn rhaglen gwerth £3.5 miliwn a ariannir gan Spirit of 2012, sef elusen a sefydlwyd gan y Gronfa Loteri Fawr i gysylltu digwyddiadau â chymunedau ledled y wlad, gan fynd i’r afael ag anfantais drwy gefnogi cyfleoedd mewn chwaraeon, gweithgareddau corfforol, diwylliant a’r celfyddydau, gwirfoddoli a gweithredu cymdeithasol.
Bydd y rhaglen yn cael ei chyflenwi a’i rheoli ledled Lloegr, yr Alban a Chymru drwy Sefydliadau Cymunedol y Deyrnas Unedig (UKCF) (mewn partneriaeth â Sefydliad Cymunedol yng Nghymru, Foundation Scotland, Heart of England Community Foundation, Forever Manchester, Tyne & Wear and Northumberland Community Foundation a Quartet Community Foundation). Bydd y rhaglen yng Ngogledd Iwerddon yn cael ei chyflenwi a’i rheoli gan Springboard (mewn partneriaeth â Strive NI).
Ynghyd â Spirit, bydd y partneriaid yn creu etifeddiaeth o wella lles a dedwyddwch. Caiff Fourteen ei harwain gan y gymuned a bydd pob cymuned yn penderfynu drosti’i hun sut mae arni eisiau cynyddu cyfranogiad mewn un neu ragor o’r gweithgareddau a ganlyn: gweithredu cymdeithasol a gwirfoddoli; chwaraeon a gweithgareddau corfforol llawr gwlad; gweithgareddau diwylliannol a chelfyddydau; ac arweinyddiaeth ieuenctid a datblygiad personol.
Yng Nghymru, dewiswyd cymunedau Bro Aberffraw yn Ynys Môn a Rhondda Ganol yn Rhondda Cynon Taf i fod yn gymunedau Fourteen. Bydd pob ardal yn derbyn £200,000 dros oes y rhaglen dair blynedd. Mae Sefydliad Cymunedol yng Nghymru wrth eu bodd o fod yn gweithio mewn cymunedau unigryw a dynamig o’r fath.
Bydd holl weithgareddau Fourteen yn gynhwysol ac wedi’u hanelu at gefnogi pobl leol i ddatblygu’u potensial ac i deimlo’n alluog i gyfrannu’n weithredol at eu cymuned. Mae digwyddiadau megis Glasgow 2014 a Llundain 2012 yn hynod yn eu gallu i ddod â phobl ynghyd: ysbrydoli balchder drwy rym cyfranogi. Nod Fourteen yw cynnal y positifrwydd hwn gan rymuso pobl i fynd allan o’u hardal leol, i gymryd rhan ac i deimlo’n well.
I ddarllen mwy am Fro Aberffraw, cliciwch yma
I ddarllen mwy am Rondda Ganol, cliciwch yma
